Son Xəbər: İlham Əliyev dövlət qulluqçularını təltif edib - SİYAHI, İrəvanda Ağsaqqallar Şurasının iclası zamanı kütləvi dava baş verib, DÇ-2026: İngiltərə, Portuqaliya və Xorvatiya milliləri növbəti matçlarına çıxacaqlar, "EU Reporter": Azərbaycan beynəlxalq arenada mövqelərini möhkəmləndirib, Türkmənistan Prezidentinin Azərbaycana dövlət səfəri başa çatıb, Rusiya Krivoy Roqa hücum edib: ölən və yaralananlar var, Şıxlinski və oğlu barədə yekun qərar verildi, Bakı Zooparkı ləğv edilir, Prezidentlərin Şuşa gəzintisi möhkəm dostluq bağlarının bariz ifadəsidir, İlham Əliyev və Sərdar Berdiməhəmmədov Şuşanın Daşaltı kəndinin fonunda şəkil çəkdiriblər,

Sədr: "Turizmdə uğur artıq turist sayı ilə ölçülmür"

Tarix: Bugün, 10:49

Bu gün turizmdə uğur artıq yalnız ölkəyə gələn turistlərin sayı ilə ölçülmür.

Bunu Dövlət Turizm Agentliyinin sədri Fuad Nağıyev Bakıda keçirilən "Asiyada Qarşılıqlı Fəaliyyət və Etimad Tədbirləri üzrə Müşavirə (AQEM) ölkələrində yaşıl turizm" mövzusunda beynəlxalq konfransda deyib.

Onun sözlərinə görə, hazırda turizm sahəsində uğurun qiymətləndirilməsi meyarları dəyişir: "Azərbaycanın əsas məqsədi isə zəngin təbii və mədəni irsi yalnız təqdim etmək deyil, həm də onu qorumaq, inkişaf etdirmək və gələcək nəsillərə ötürməkdir".

Sədr qeyd edib ki, Dövlət Turizm Agentliyi tərəfindən dayanıqlı turizmin inkişafı istiqamətində mühüm addımlar atılır: "Bu çərçivədə təbiət əsaslı turizm marşrutlarının inkişafı, həmçinin ekoturizm və aqroturizm istiqamətlərinin genişləndirilməsi prioritetlər sırasındadır. Qlobal iqlim dəyişiklikləri fonunda turizm sektorunun gələcəyi sağlam ətraf mühitin qorunmasından, təbii sərvətlərdən səmərəli istifadədən və dayanıqlı inkişaf prinsiplərinin tətbiqindən asılıdır".